Return to site

لعل المانع خير

Super Lover

من التدريبات و الأنشطة المُهمة بالنسبة لي في تطبيق إستراتيجية

Super Lover

هو إني أطلب من الحضور في آخر نشاط مُعين كدة بنعمله... إننا نتواصل بالعين فقط لمدة دقيقة

Eye Contact

و كُل مرة مش بصدق نفسي من صُعوبة تنفيذ التواصل بالعين من غير كلام للفترة البسيطة دي

أول ما بتخلص الدقيقة.... بسألهم....

شوفتي إيه في عينيها, قالتلك حاجة من غير ما تتكلم يا تري؟

و بيبقي رد الكُل في الأغلب بيكون فيه كلام كتييييير حلو جداً لمجرد إنه عمل تواصل بالعين لمدة دقيقة مع شخص حاضر معاه كورس.... يكاد يكون مايعرفهوش أصلاً

و ده بياخدني للسؤال التاني....؟

طيب ليه كُنت حاسة إن الموضوع صعب عليكُم؟

و بيبقي الرد في الأغلب... علشان مابنعملوش كتير يعني

ليه مابتعمليش كدة مع زوجك و اولادك؟؟؟؟ ده بيبقي سؤالي المُتوقع علي الإجابة المُتوقعة اللي أخدتها من شوية... و الإجابة المُتوقعة اللي هاخدها حالاً برضو و هي لأ طبعاً إلا لو بنتخانق يعني او بنزعق مع بعض :D 

بقوله بُصلي هنا و كلمني زي ما بكلمك :D :D :D 

طيب لعل المانع خير

ده بالنسبة لزوجك.... الراجل الغلبان اللي ربنا بيعذبه في الدُنيا :D

طيب بالنسبة للعيال الغلابة اللي سعادتك مخلفاهم...

تفتكري لو تأملتي في وش بنتك بنظرة جميلة كدة و قولتيلها علي فِكرة انتِ أحلي بنوتة في الدنيا دي بالنسبة لي.... إحساسك انتِ هيبقي ايه؟

تفتكري هيبقي حلو و لا هي حاجة أصلاً مالهاش لزمة؟ 

من النقطة دي بنبدأ نُدرك من نفسنا بنفسنا إننا بنعتاد علي حاجات صُغيرة لكن سلبية في تعاملاتنا مع اقرب الناس لينا....بتؤدي لركود و زهق و تعب في العلاقة اليومية اللي رايحة جاية بيني و بين زوجي و أولادي..... و في نفس الوقت بنتعلم إزاي نستبدلها بتصرفات صُغيرة و بسيطة لكن مؤثرة و جميلة و بتاخد علاقتي بزوجي و اولادي في إتجاه تاني خاااالص هيخلينا إحنا كأمهات و زوجات اللي مبسوطين قبل ما همّ اللي يكونوا في قمة السعادة..... و هتأثر طبعاً بشكل غير مُباشر بالإيجاب علي تعاملاتنا كُلنا مع المُحيطين بينا برة البيت

الجزئية دي أكثر جزئية بحب اتكلم فيها كُل مرة في كورس

Super She

و أكثر جزئية بيكون فيها تفاعل و ليها تاثير علي كُل اللي حاضرين :)

كلامك الجميل هو اللي تقوليه بالعين من غير أي تجميل

All Posts
×

Almost done…

We just sent you an email. Please click the link in the email to confirm your subscription!

OK