هي الناس بقت وحشة ولا انا اللي مش عارفة أتعامل؟!

هو كله إنتقاد إنتقاد من اللي حواليا, مافيش حاجة عِدلة بعملها خالص شايفينها يعني؟!

ولو إتعصّبت.. أتغلّط وأخسر أقرب الناس ليّا!

كورسات!!

حضرت قد ما حضرت ولا بعرف أطبّق ولا باتعلم حاجة جديدة..

نفسي أعرف

ألاقي تشخيص وحل لمشكلتي بنفسي

يبقي معايا زي صندوق أدوات كدة أعرف أطبّقه في التعاملات

نظرتي للأمور تتغيّر تماما للأحسن

أشوف في الكورس ده أمثلة من الواقع مش كلام نظري والسلام

أتعلّم دروس عليها القيمة كدة في الحياة

إزاي أكسب اللي حواليا من غير ما آجي علي نفسي وكرامتي

معلومة لازم نعرفها في الأساس علشان نبني عليها الأساس..

 

قال الله تعالى: إِنَّ فِي ذَلِكَ لَآيَاتٍ لِّأُوْلِي النُّهَى [طه:54]، والنهى تقال للعقول، قال ابن كثير في تفسيره: لأولى النهى أي لذوي العقول السليمة المستقيمة. 3/210

 

وعلي هذا الأساس الكورس اسمه Blooming Brains

أو بمعني آخر بنهتم بأهم جزء عندك #النهي وبنطبّق علي أساسه في الكورس نظريتنا

نظرية النهي = خمس حروف ا ل ن ه ي

حرف ا = انسي

محتاجة تنسي تلات حاجات علشان تقدري تتعلمي بشكل سريع أي حاجة جديدة

1- انسي كل اللي تعرفيه قبل كدة عن الحاجة اللي عايزة تتعلميها , لأن من ضمن الحاجات اللي بتخلينا مانتعلمش هي إننا بنبقي فاهمين إننا عارفين وانتِ ولا انتِ عارفة حاجة وخليني ساكتة بقي. محتاجة تنسي علشان تفضّي وتستقبلي الجديد, لأن لو عقلك مليان معلومات عاملة دوشة وخلاص ومحسساكي ان انتِ عارفاها مش هيبقي في مساحة لإستقبال اللي مش عارفاه.

2- انسي اي حاجة تانية وركّزي علي اللي بتتعلميه, لأن عقلك مش هيتعلم بسرعة لو تركيزك مشتت علي كذا حاجة في نفس الوقت. لو فاكرة إنك هتتعلمي بسرعة وانتِ مركزة علي مدرسة ولادك اللي حارقة دمك وعلي سلفتك اللي جابت سجادة وانتِ ماجيبتيش, إبقي قابليني عند البربيء لو إتعلمتي كلمة جديدة. ريّحي عقلك وخليه مستعد لإستقبال المعلومة بإنك تنسي اللي مش مهم وتركزي ع الجديد.

انسي كل الحدود والقيود اللي حطّاها لنفسك بنفسك, لأن اهم حاجة بتخلينا مانتعلّمش هي إننا مقتنعين إن لينا حدود مانقدرش نعديها. خليني أقولك إنك لو فضلتي مركّزة بس علي تعبك أو سنك ولا تعليمك المحدود اللي هيخليكي ماتقدريش تتعلمي حاجة جديدة, هتفضلي علي وضعك إن ماكنّاش هنروح لوضع أقل مع مرور الوقت. عقلك يقدر يوديكي لأبعد من حدودك ومن توقعاتك.

حرف ل = لعبتك

محتاجة تعرفي إنك بتعلبي وبتستمتعي وانت بتتعلمي حاجة جديدة..

لو أدركتي إنها لعبة جديدة هتلعبيها وهتكتشفيها, هتتعلميها بإستمتاع وبسرعة. من أهم الحاجات اللي بتخلينا مانتعلّمش هي فكرتنا عن أن التعليم ده حاجة يععع وأوووف وأنا مش ناقصة واللي فيا مكفيني.

الفكرة بقي ان عقلنا بيتعلم وبيلاقي اللي محتاجه وأكتر باللعب والرسم والحركة, مش بأي طريقة تانية.

إلعبي لعبة التعلم

إسألي اللي ييجي علي بالك ودوّني الإجابات

دوّري علي معلومات بنفسك علي الإنترنت

شاركي الناس إستفساراتك وأسئلتك وإجاباتك

إعملي هاشتاج #بتعلم_حاجة_جديدة وزوّدي عليه كل يوم

كل ما تلعبي أكتر.. كل ما تتعلّمي أكتر

حرف ن= نفسيّتك

النفسية لو تعبانة, هتتصرفي تصرفات فكسانة..

نفسيتك دي عليها عامل كبير قوي في كل حاجة, لإنها لو مش متظبطة دماغك مش هتفهم حاجة. لما باعمل جزء من يوجا الضحك في محاضراتي, بسألهم الأول غمضي عينيكي وإدي لحالتك النفسية درجة كدة من واحد لعشرة وبعد ما نخلص بسألهم تاني أشوف النسبة زادت ولا لأ. ده لأهمية أن الحالة النفسية والمزاجية لازم تبقي تمام علشان الناس تستفيد وتفهم وتتعلم, غير كدة باي باي.

المعلومة اللي اتعلمتيها وانت مبسوطة.. هتفتكريها

حاولي تفتكري كدة أي حاجة إتعلمتيها في المدرسة..

في الأغلب مش هتفتكري غير حاجة كنتي مبسوطة وبتضحكي وانت بتتعلميها, ده إن إفتكرتي يعني!

لأن لو النفسية كانت في الضياع, بتضيّع معاها كل حاجة تعليم وغيره.

تظبّطي النفسية إزاي؟!

إتفرجي علي مسرحية بتحبيها كام دقيقة

مارسي يوجا الضحك كل يوم جمعة الصبح في الأزهر بارك ببلاش

أرقصي وأتنططي من غير سبب

إسمعي موسيقي هادية

تأملي لمدة دقايق "إسمعي تسجيلاتي علي Soundcloud

أو فكّري في حياتك اللي هتتغيّر للأحسن لما تتعلمي حاجة جديدة

كل ده هيحسّن نفسيتك ويخليكي علي أتم الإستعداد إنك تتعلمي مش يتعلّم عليكي.

حرف ه= هِمّتك

همتك بقي يا حلوة معانا, اللي إتعلمتيه تحاولي تنقليه وانت بتطبقيه

همّتك في التطبيق أول بأول ونقل المعلومة للي حواليكي بتفرق الضعف في عملية التعلم. لو بتتعلّمي وانت عاقدة العزم والهمة علي الإلتزام والتطبيق وتوصيل المعلومة, بيبقي في بركة عظيمة في كل تفاصيل عملية التعلم.

لو همّتك عالية.. إستفادك هتبقي عالية

لو همّتك عالية.. هتقدري تفهمي اللي بين السطور قبل السطور

لو همّتك عالية.. هتنشري العلم اللي انت أساسا بتطبقيه

لو همّتك عالية.. بتضاعفي الإستفادة ليكي ولغيرك

آحر حرف بقي ال ي= يوميا

اللي بتعمليه بشكل يومي هو اللي بيحدد حياتك وبيفرق في مستقبلك. ماتستخسريش في نفسك الإضافة اليومية الخزعبلية في أي وقت من اليوم, المهم تضيفي لنفسك حاجة تعلّمك.

خمس دقايق تقولي لنفسك كلام حلو وتتفائلي فيهم كل يوم الصبح, هتغيّر نظرتك لكل الأمور اللي هتحصلك خلال اليوم للأحسن.

إمتنانك وشكرك اليومي لكم النعم الهايل اللي انت فيه, هتساعدك تتعلّمي بشكل أفضل.

خطوات تطبيق نظرية النهي في الكورس هتكون من مسؤولية نهي زهرة وما عليكي إلا الإستمتاع بعملية التعلم الخطوة الأولي في مشوارك للتغيير

بعض آراء اللي حضروا الكورس

اكتر من 12 فايدة هتتمتعي بيها لما تحضري كورس

BLOOMING BRAINS

هتتعلّمي تقنيات جديدة بنمارسها بشكل عملي من أول دقيقة في البرنامج

هتعرفي إزاي تحققي أهدافك بشكل سهل و قابل للتطبيق

هتعملي لنفسِك منهج للتغيير تمشي عليه بنفسك بعد ما تقولي الإقرار الخاص بقفش العقل

هتعرفي محاور عملية التغيير و تركزّي علي إيه و ماتركزيش علي ايه

هتفنّطي اللي داير جوة عقلك و تشوفي ايه اللي محتاج يتزوّد و إيه اللي محتاج يتغيّر و إيه اللي محتاج يتسقّط من حساباتك

هتلاقي كّل الإجابات اللي محتاجاها من غير ما أقولك معلومات

هتشوفي نفسك كمان سنة عايزة تكوني فين و الخطوات هتكون إزاي

هتحققي داخل البرنامج كذا خطوة إيجابية ناحية نفسك, المحيطين بيكي و المجتمع عموماَ

هتلاعبي عقلك و تكسبيه علشان لما تخططي لهدف بعد كدة تعرفي تنفذيه

هتقدري بمجهود 1% تحققي إنجازات ماحققتيهاش في حياتك قبل كدة

هتبقي وسط مُجتمع شبهك هيساعدك علي التغيير بشكل يومي حتي بعد الإنتهاء من البرنامج

هتقدمي مشروعك لتغيير نفسِك في آخر يوم و هتبدأي رحلة التغيير

هتعيشي رحلة ممكن تخليكي بطلة كِتابي اللي جاي و قصة النجاح المُلهمة للآخرين

قيمة الحجز المبكر:950 جنيه
ينتهى فى الأحد 21 يوليو
السعر الاصلى:1150 جنيه

 

الأيام: الأحد, الإتنين, الثلاثاء, الأربعاء

28-29-30-31 الموافق أيام

من 10ص حتي 1:30 ظ

للحجز والإستفسار يرجي الإتصال علي 

01066732137

المكان والعنوان

Art of Life

120 ش جهاز المدينة

التجمع الخامس, أمام بنزينة التعاون

 

لو محددة نظرية النهي من الأساس وماشية عليها, هتحققي وتوصلي لأماكن أحلي من اللي حلمتي بيها

لو ماشية هليهلي من غير وِجهة ولا أساس, هتحققي نظرية مابتعلّمش اللي بيطبقها أغلب الناس.

 

All Posts
×

Almost done…

We just sent you an email. Please click the link in the email to confirm your subscription!

OK