بعيداً عن انت مقتنع بعمرو دياب و لا لأ... إستراتيجية
Super Creative
خليتني دايماً مركزة هو إزاي كِبر كدة و هو شكلاً و موضوعاً اصغر من شباب في العشرينات كتير....!
بيمارس الرياضة بشكل مُستديم مثلاً...
اجري جري حالي حال ناس كتيييير و اشترك في الجيم و ادفع دم قلبي و في الآخر يوم ما هابقي التزمت... هاروح الشهر ده علشان صعبان عليا الفلوس اللي دفعتها مش اي حاجة تانية :D
طيب لو رجعنا للسؤال الأساسي بتاعنا .... هوعمرو دياب إزاي في الخمسينات, لكنه اصغر من اللي في العشرينات علشان اطبقه علي نفسي و استفيد...
هو مش بسهولة كدة إنك تشوف حد بيعمل حاجة مُفيدة تقوم انت مقلده... خلاص بقيت زيه؟؟؟ لا يا فندم ابسلوتلي :D
إفترض معايا إن مُمارستك للرياضة عاملة زي التُفاحة اللي انا ببص عليها في الصورة دي كدة.... حاجة انت عينك عليها من الآخر و شوف المِثال اللي انا طبقته علي نفسي ده...
The Plank Habit
أخدتلي بالك من كِلمة عادة؟
HABIT
لو التفاح مُفيد... يبقي محتاجة أعتاد أكل التفاح يومياً علشان يبقي جزء من حياتي اليومية
و كذلك الرياضة... علشان أبقي زي عمرو دياب .... انا حالياً مش محتاج اروح ادفع إشتراك جيم... لأ خالص
أنا محتاج اعتاد علي تمرينات رياضية بسيطة جداً... مابتاخدش وقت في تطبيقها... و فايدتها عظيمة ;)
لمّا فكرت و دورت لقيت تمرين إسمه
PLANK
بحثت كتييير علشان اعرف إازاي اعمل التمرين ده صح
إشمعني التمرين ده بالذات؟
- مُمكن تعمليه كبداية في 15 ثانية بس و يوم ما تبقي مبهدلة نفسك تمارين يعني... بتوصل ل 3 دقايق في اليوم
- بيشد كُل العضلات اللي انتِ شايفاها في الصورة دي, اللي هي أكتر الأماكن اللي بنعاني منها في شكل
- الجسم هي حركة واحدة... تعمليها مظبوط و خلاص من غير كتالوج و لا قولنا و لا قالوا
- مع الوقت الكِرش الحلو هيختفي و طبعاً كُلنا عارفين معانتنا اليومية مع الكِرش :D
- خطوة سهلة في طريقك لإشتراك الجيم اللي هتدفعيه و تروحي زي العموووور :D
- بيحسّن شكل الجِسم, طريقة المشي, المووود اليومي, و بيخليكي عندك مرونة.... شوفي إزاي بقي :D
كدة إتكلمنا بإستفاضة عن
Plank benefits
طيب لو عايزين نعرف إزاي نخليه عادة يومية نعمل ايه؟
Daily Habit
- إبتدي بأسهل طريقة لتطبيق العادة الجديدة اللي انت عايزة تكتسبيها دي... طريقة سهلة ماينفعش انك ماتقدريش تلتزمي بيها.... زي ما قولت علي المِثال بتاعي 15 ثانية كُل يوم.
- مِحتاجة تواظبي و تزودي كُل يوم شوية ثواني زيادة لحد ما توصليهم لدقيقة و بعدين دقيقتين و يوم ما هتتعبي نفسك 3 دقايق :D
- أول ما تلاقي نفسك بدات تستتقلي الموضوع.... قسّميه لخطوات سهلة صغيرة, يعني إرجعي تاني للثواني و كرريها كذا مرة في اليوم بدل ما تتعبي نفسك و تعملي ال3 دقايق مرة واحدة :D
بس خلاص بالطريقة دي تبقي إكتسبتي عادة جديدة مُفيدة يومية ;)
و كُل ما تزوّدي العادات المُفيدة في حياتك...كُل ما تتغير للأحسن
الأهم بالنسبة لي بقي هو إزاي تخلي عقلك يفكر بالطريقة دي في كُل أوضاع حياتك...
Super Creative
من الإستراتيجيات اللي من أهميتها.... خليتها موضوع كتابي اللي جاي
علشان تتغيّر و تبقي زي عمرو دياب
لازم التغيير يبقي دِحلاب كدة دِحلاب